İsrail sərnişin və ağır yükləri daşıya bilən avtonom təyyarələrin sınaq uçuşlarına başlayıb.

Oxu24.com xəbər verir  ki,bu barədə “The Times of Israel” məlumat yayıb.

Hava taksisinin ilk sınaq uçuşları, İsrail Milli Dron Təşəbbüsü (INDI) kimi tanınan hökumətin rəhbərlik etdiyi iki illik 10 milyon dollarlıq pilot layihənin bir hissəsidir.

Onun məqsədi sərnişinlərin və ağır yüklərin daşınması, nəqliyyat sıxlığının yaxşılaşdırılması, kommersiya və dövlət xidmətlərinin daha səmərəli şəkildə çatdırılması üçün bu təyyarələrdən istifadə etməkdir.

Test edilmiş iki modeldən biri olan EH216-S Çinin Guangzhou EHang Intelligent Technology şirkəti tərəfindən istehsal edilib. O, iki sərnişin daşıya, 220 kq-a qədər faydalı yük daşıya və 30 km-ə qədər uça bilir.

Sınaq edilən digər model İsrail istehsalı olan Air Zero-dur ki, o da EH216-S ilə eyni sərnişin və yük daşıma qabiliyyətinə malikdir, lakin 160 km-ə qədər uçuş qabiliyyətinə malikdir.

Sınaqlar uğurla keçdi, lakin hər iki model sərnişinlərlə uçmayıb.

Tərcümə:Aynurə Məcidova