Arvadının xəstəxanada intim videosunu gördü - Bakıda dəhşətli qətlin təfərrüatı

Bakıda dəhşətli qətl hadisəsi baş verib. 
Oxu24.com xəbər verir  ki, belə ki, 13 mart 2022-ci ildə Daxili İşlər Nazirliyinin 102 xidmətinə zəng edən Saməddin Həsənov arvadı Ülviyyə Həsənovanı bıçaq zərbələri ilə qətlə yetirdiyini və təslim olmaq üçün Xəzər Rayon Polis İdarəsinin 3-cü Polis Bölməsinə getdiyini bildirib.

İstintaqla müəyyən olunub ki, hadisə Binə qəsəbəsi, Sabir küçəsi 88 ünvanında yerləşən xeyriyyə cəmiyyətinin həyətində baş verib.

Belə ki, Saməddin Həsənov qısqanclıq zəminində yaranan münaqişə zamanı Ülviyyə Həsənovaya bıçaqla 16 dəfə zərbə vuraraq zərərçəkmişi qəsdən öldürüb. 
Hadisə ilə bağlı Xəzər Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Məhkəmə-Tibbi Ekspertizasının rəyinə görə, Ülviyyə Həsənovanın ölümünə ağciyərlərin zədələnməsi nəticəsində baş vermiş kəskin qanitirmə səbəb olub.

Bakı Ağır Cinayətlər Məhkəməsinin hökmü ilə Saməddin Həsənov 10 il müddətinə azadlıqdan məhrum olunub.