Qəbir əzabı ölümdən sonra axirət aləminin başlanğıcı sayılır. Tənhalıq, qorxu, qəbir sıxıntısı, sorğu mələkləri ilə görüş qəbir əzabına daxildir. Lakin mömin şəxslərin, eləcə də, bəzi əxlaqi özəlliklərə malik insanların qəbir əzabından amanda qalacağı buyurulur.

Oxu24.com  bildirir ki, məsələn, kasıblara əl tutmaq, elm öyrətmək, Quran oxumaq, namazı layiqincə qılmaq, qadının öz ərinə itaət etməsi kimi əməl və xasiyyətlər qəbir əzabını yüngülləşdirər. Dəfn gecəsi mərhumun yaxınlarının vəhşət namazı qılmaları, ona rəhmət oxumaları, ruhuna Quran oxuyub hədiyyə etmələri, dəfndən sonra qəbrin üzərinə su səpmək, ölünün adına ehsan vermək də qəbir əzabını xeyli yüngülləşdirər. İnsan öldükdən sonra onun əməl dəftəri bağlanar. Amma bəzi əməllər ölümdən sonra da insana savab gətirər və qəbir əzabını yüngülləşdirər. Məsələn, camaatın istifadə etdiyi bir xeyriyyə tikintisi yadigar qoymaq (yol çəkdirmək, körpü salmaq, bulaq qazımaq, məscid tikdirmək və s.), oxunan faydalı bir kitab yazmaq, saleh övlad yetişdirib cəmiy yətə təhvil vermək. Oxu24.com