Mayın 15-dən “WhatsApp”ın biznes hesablarının sahibləri istədikləri təqdirdə ödənişli abunəyə qoşula biləcəklər.
Oxu24.com xəbər verir ki, ödənişli abunəliyin üstünlüyü ondan ibarətdir ki, "Əlaqələndirilmiş cihazlar" bölməsində bir hesaba 10-a qədər cihaz qoşula biləcək.
Hazırda isə biznes hesabına maksimum 4 cihaz qoşula bilər.
“WhatsApp” tərtibatçıları iddia edir ki, yenilik müştərilərə xidmətin keyfiyyətini və sürətini artırmaq məqsədi daşıyır.
Hazırda abunənin qiyməti və şərtləri barədə məlumat açıqlanmayıb. Çox güman ki, ödənişli abunə bir sıra digər funksiyaları da əhatə edəcək.
Adi “WhatsApp” istifadəçilərinə gəlincə, onlar üçün heç nə dəyişməyəcək.
Oxu24.com
ŞƏRHLƏR