Ukrayna Prezident Aparatı sədrinin müşaviri Mixail Podolyak hesab edir ki, Rusiya Prezidenti Vladimir Putin Belarusa səfəri zamanı Prezident Aleksandr  Lukaşenkonu Ukraynaya hücuma sövq edəcək.

Bu barədə UNİAN məlumat yayıb.

"Putin heç kimə şərtlər diktə etmək iqtidarında deyil. Bəli, hələ də müharibəni öz şərtləri ilə bitirməyə ümid edir. O həmçinin, Lukaşenkonu da müharibəyə cəlb edəcək. Lukaşenko bunu etsə, özü üçün intihar hökmünü imzalamış olacaq”, - deyə o qeyd edib.

Qeyd edək ki, 19 dekabrda Putinin Lukaşenko ilə növbəti görüşü gözlənilir.