Mütəxəssislər bazardan ət alarkən nələrə diqqət etməli olduğunu açıqlayıblar.

OXU24.COM  lent.az-a istinadən bildirir ki, bazardan ət alarkən satıcıların malların təzəliyi ilə bağlı verdiyi zəmanətlərə etibar etməməlisiniz.

Satıcıların ən çox istifadə etdiyi hiylələrdən biri ətin yapışqan sellofana bükülməsidir.

Satıcılar, bir qayda olaraq, bunun ətin qurumasının və ya milçəklərin gəlməsinin qarşısını almaq üçün etdiklərini deyirlər. Əslində, bu, məhsulun yararsız görünüşünü gizlətmək üçün edilir.

Ətin rənginə də diqqət yetirmək son dərəcə vacibdir. Əgər, ətin rəngi tünddürsə və yağ sarıdırsa, bu mütləq köhnəlmiş ətdir.