İsmayıllı rayonunda qadın qətlə yetirilib, əri şübhəli bilinir.

"Report" xəbər verir ki, hadisə bu gün saat 14:30 radələrində rayonun Təzəkənd kəndində qeydə alınıb.

Belə ki, kənd sakini Etibar Bədəlov ailə münaqişəsi zəminində aralarında yaranmış dava zamanı həyat yoldaşı, 1988-ci il təvəllüdlü Aytən Bədəlovanı öldürüb.

Hazırda rayonun hüquq-mühafizə orqanlarının əməkdaşları hadisə yerindədir.

Hadisənin dəqiq səbəbləri hələlik məlum deyil.

Faktla bağlı İsmayıllı Rayon Prokurorluğunda araşdırma aparılır.