Adam öldürməyə görə, Azərbaycan Respublikası Cinayət Məcəlləsinin 120.2.2-ci (xuliqanlıq niyyəti ilə adam öldürmə) və 120.2.4-cü (xüsusi amansızlıqla və ya ümumi təhlükəli üsulla adam öldürmə) maddələri ilə 15 il həbs cəzası alan Əli Abbasov qətlə yetirdiyi Bəxtiyar Nəsibovun anası Nəzakət Bayramovanın qarnına təpiklə vurub. Həmçinin Ə. Abbasovun dostları da qadını itələyərək söyüblər. 

Bu barədə Lent.az portalı xəbər yayıb. Hadisə Bakı Apellyasiya Məhkəməsinin birinci mərtəbəsində baş verib.

Hadisə yerinə gələn təcili tibbi yardım həkimləri qadına ilkin yardım göstərib və zərərçəkmiş xəstəxanaya yerləşdirilib.

Qeyd edək ki, Əli Abbasov 2021-ci il martın 1-də 1999-cu il təvəllüdlü Bəxtiyar Nəsibovu bıçaqla qətlə yetirib. Hadisə Xətai rayonu Nəsrəddin Tusi küçəsində yerləşən idman zalında baş verib. Onların arasında yarana mübahisə Bəxtiyar Nəsibovun ölümü ilə nəticələnib.