Bakıda 46 yaşlı qadın polisə müraciət edərək şantaj edildiyini bildirib. “Qafqazinfo”nun əldə etdiyi məlumata görə, Yasamal RPİ-nin 29-cu Polis Bölməsinə müraciət edən 1977-ci il təvəllüdlü qadın sevgi münasibətində olduğu V.Ş-nin ona hədə-qorxu gəldiyini iddia edib. Onun sözlərinə görə, V.Ş. onunla görüşməsi barədə qohumlarına məlumat verəcəyi hədəsi ilə 3 min manat pulunu və mobil telefonunu alıb. Şikayətçi həmin kişinin pulu və telefonunu ondan Yasamal rayonu, A.M.Şərifzadə küçəsində aldığını qeyd edib. Müraciətlə bağlı polis tərəfindən araşdırma aparılır. Qeyd edək ki, şantajla üzləşdiyini bildirən qadın Bakıdakı orta məktəblərdən birində müəllim kimi çalışır. Oxu24.com