Oğurluqda şübhəli bilinən şəxs tutuldu

Cəhri qəsəbəsində oğurluqda şübhəli bilinən şəxs saxlanılıb. Bu barədə Oxu24.com-a Naxçıvan Daxili İşlər Nazirliyindən məlumat verilib. Bildirilib ki, Babək Rayon Cəhri qəsəbəsində mənzillərdən birindən oğurluq olması ilə bağlı polisə məlumat daxil olub. Babək Rayon Polis İdarəsi əməkdaşlarının keçirdikləri operativ əməliyyat-axtarış tədbirləri nəticəsində əməli törədən Cəhri qəsəbə sakini 1998-ci il təvəllüdlü Valeh Vəliyev şübhəli şəxs qismində saxlanılmış oğurladığı qızıl-ziynət əşyaları maddi sübut kimi götürülüb. Valeh Vəliyevin barəsində Cinayət Məcəlləsinin 177.2.3-cü maddəsi ilə cinayət işi başlanılmış, əməliyat-istintaq tədbirləri davam etdirilir.