Azərbaycanda tükürpədici hadisə: Əmisi oğlundan sonra o da qatarın altında qalıb öldü

Əmisi oğlundan bir il sonra o da qatarın altına düşdü – MÜƏMMALI OLAY 

Yanvarın 3-də saat 20 radələrində Azərbaycan Dəmir Yolları QSC-yə məxsus qatarın Tovuz rayonu ərazisindən keçən zaman 1986-cı il təvəllüdlü Tural Yaqubovu vurması və onun aldığı xəsarətlərdən ölməsinə dair əsaslı şübhələr müəyyən edilib.

Bu barədə Baş Prokurorluğun Mətbuat xidmətindən bildirilib.

Faktla bağlı Tovuz rayon prokurorluğunda Cinayət Məcəlləsinin 262.2-ci (dəmir yolu nəqliyyatında hərəkət təhlükəsizliyi və istismarı qaydalarının pozulması ehtiyatsızlıqdan zərərçəkmiş şəxsin ölümünə səbəb olduqda) maddəsilə cinayət işi başlanıb.

Hazırda iş üzrə ibtidai istintaq davam etdirilir.

Yaxınları bildirir ki, 2012-ci ildə onun əmisi oğlu da qatarın altında qalaraq həyatını itirib.  

Qeyd edək ki, ötən gün yük qatarı Qovlar-Zəyəm istiqamətində hərəkətdə olarkən Tovuz rayonunun Dönük Qırıxlı kənd sakini Tural Ramiz oğlu Yaqubov qatarın altında qalaraq həlak olub. 

Ötən il həyat yoldaşından boşanan mərhumun üç övladı var.