Zaqatala rayonunda 1989-cu il təvəllüdlü Fariz bacısı qızı Səbinəyə (adlar şərti verilib - red.) təcavüz edib.

OXU24.COM Teleqraf.com-a istinadən bildirir ki, Fariz 2019-cu ilin avqust ayından etibarən mütəmadi olaraq 2008-ci il təvəllüdlü Səbinəyə etdiyi iyrənc hərəkət barədə kiməsə deyəcəyi halda nənəsi və dayısını öldürməklə hədələyib, yataq otağına apararaq onunla qeyri-təbii yolla cinsi əlaqədə olub.

Sonuncu dəfə 3 aprel 2022-ci ildə axşam saatlarında Fariz Səbinəni yaşadığı evinin yataq otağına aparıb. Qışqırmaması üçün əlləri ilə onun ağzını tutub və əl zərbələri ilə üz nahiyəsinə vuraraq müqavimətini qırıb. Sonra ona qarşı seksual xarakterli zorakılıq hərəkətləri edib.

İstintaq orqanı tərəfindən Farizin barəsində Cinayət Məcəlləsinin 150.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində seksual xarakterli hərəkətlər etmək) maddəsi ilə ittiham elan edilib.

Farizin barəsində olan cinayət işi baxılması üçün Şəki Ağır Cinayətlər Məhkəməsinə göndərilib. Cinayət işi hakim Rafail Əliyevin icraatında araşdırılıb.

Təqsirləndirilən şəxs qismində ifadə verən Fariz ittiham üzrə özünü qismən təqsirli bilib. O bildirib ki, bacısı qızı Səbinə, qardaşı Elmar və anası Vahidlə birlikdə yaşayıb: "Səbinə Zaqatala şəhərində İnteqrasiya təlimli İnternat tipli gimnaziyanın 7-ci sinif şagirdidi. Həftənin 5 günü məktəbdə qalır, şənbə-bazar yaşadığımız evə gəlirdi".

Təqsirləndirilən şəxsin sözlərinə görə, təxminən 2019-cu ilin avqust ayından başlayaraq Səbinəyə yaxınlaşmağa başlayıb: "O, həmişə gəlib saçımı sığallayırdı, belim ağrıdığı üçün belimi ovxalayırdı. Məndə Səbinəyə qarşı ehtiras formalaşmağa başladı. Həmin vaxtlar sərxoş olduğum gecə Səbinəni yataq otağıma çağırdım. O da yataq otağıma gəldi. Anam yatırdı. Səbinədən şalvarını çıxarmasını istədim. Səbinə də şalvarını çıxardı. Çarpayıda üzü üstə uzanmasını istədim. O da çarpayıya uzandı. Ona qarşı seksual xarakterli hərəkətlər etdim, cinsi ehtirasımı təmin etdim".

Təqsirləndirilən şəxs qeyd edib ki, bundan sonrakı vaxtlarda Səbinə şənbə və bazar günləri yaşadıqları evə gələn zaman onu yataq otağına çağırırıb, bəzi vaxtlar isə Səbinənin yatdığı üçün qucağında otağına gətiririb. Yataq otağında bacısı qızı ilə intim münasibətdə olub. Bəzi zamanlarda bu hərəkətləri sərxoş vəziyyətdə edib.

Təqsirləndirilən şəxs qeyd edib ki, sonuncu dəfə Səbinə ilə intim münasibətdə olan zaman anası içəri girib:

"Anam qardaşımı çağırdı. Qardaşım məni döyərək evdən qovdu. Mən isə bir neçə gün sonra getməyə yerim olmadığı üçün evə qayıtdım. Bundan sonra isə yenə gecələr Səbinəni otağıma çağırırdım. O da otağıma gəlirdi. Yenə onunla cinsi əlaqədə olurdum, ona qarşı seksual xarakterli hərəkətlər edirdim".

Farizin ifadəsinə görə, sonuncu dəfə təxminən həbs olunmamışdan 2 həftə əvvəl axşam saatlarında Səbinə ilə cinsi əlaqədə olan zaman anası və qardaşı otağa daxil olub: "Yenə qardaşım məni döydü, evdən qovdu. Gecə evə qayıtdım. Bundan sonra Səbinə ilə münasibətdə olmadım".

Təqsirləndirilən şəxs ifadəsində göstərib ki, Səbinəyə seksual xarakterli hərəkətlər etmək üçün ona qarşı zorakılıq etməyib, Səbinə onun istəklərini yerinə yetiririb, ancaq sərxoş olduğu zamanlar çox şeyi xatırlamayıb. Bildirib ki, Səbinənin aralarında olanları başqa şəxslərə deməməsi üçün hədələməyib. O, əməlindən peşman olduğunu söyləyib.

Cinayət işi üzrə zərərçəkmiş şəxs qismində ifadə verən Səbinənin sözlərinə görə, nənəsi və dayıları ilə bir evdə yaşayır: "2019-cu ilin avqust ayında günorta saat 14 radələrində nənəm yas mərasiminə getdiyi üçün qonşunun evinin həyətində uşaqlarla oynayırdım. Dayım Fariz məni çağırdı, evə getdim. O, məni siqaret almağa göndərdi. Ona siqaret alaraq gətirdim. Uşaqlar məni oynamağa çağıran vaxt dayım 5 dəqiqə gözləməyimi istədi. Gözləyəndə məni qucağına alaraq öz yataq otağına apardı. Çarpayının üzərinə uzandırdı. Zənn etdim ki, mənimlə oynayır. Daha sonra dayım şalvarımı və alt paltarımı aşağı çəkdi. Şalvarımı geyinmək istəsəm də, icazə vermədi.

Qışqırmaq istəyəndə ağzımdan tutaraq məni şillə vurdu. Sakitləşməyimi istədi. Qorxudan sakit durdum. Dayım mənimlə cinsi əlaqədə olan zaman ağladım. Ancaq ağzımı tutduğu üçün qışqıra bilmədim".

Səbinə qeyd edib ki, cinsi əlaqədən sonra dayısı onu hədələyib: "Fariz məni hədələdi ki, nənəm və digər dayım bilsə, üçümüzü də öldürəcəyini dedi. Buna görə də heç kimə demədim. Bundan sonra dayım mütəmadi olaraq həftənin şənbə-bazar günləri mənimlə cinsi əlaqədə olub.

Mən nənəmlə eyni otaqda yatırdım. Dayım gecə məni qucağına alaraq öz otağına aparırdı. Məni soyunduranda onun yatağında olduğumu bilirdim. Ağzımı tutduğu üçün səsimi çıxara bilmirdim. Səsimi çıxaramaq istədiyim zaman isə məni döyürdü. Nənəm də ağır yatdığı üçün dayımın mənə zorakılıq etməsini bilmirdi".

Zərərçəkmiş qeyd edib ki, son vaxtlar məktəbdən evə buraxdıqları zaman o evə getmək istəməyib: "Baş verənləri məktəbin psixoloquna danışdım. Məni həkimə apararaq müayinə etdirdilər. Daha sonra psixoloq polisə bu barədə şikayət etdi".

Məhkəmənin hökmü ilə Fariz 12 il 6 ay müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkməsi müəyyən olunub