Qətl törətməkdə şübhəli bilinən meyxanaçı Rəşad Əmirov (Rəşad Dağlı) Qaradağ Rayon Məhkəməsi qərar verib.

Oxu24.com-un məlumatına görə,Qərara əsasən Rəşad Dağlı barəsində 4 aylıq həbs qətimkan tədbiri seçilib.

Məlumdur ki,hazırda istintaq prosesi gedir və qətlin təfərrüatları araşdırılır.

Ortada qətl hadisəsi var və təbii ki,kimliyindən asılı olmayaraq hər kəs Qanun qarşısında bərabərdir və cavab verməlidir.Bu mövzuda bütün məəslələr Rəşad Dağlının əleyhinədir.Çünki ortada qətl faktı var.

Oxu24.com Rəşad Dağlı cinayətində bir məqama diqqət edir. Bu isə meyxanaçının qətli törətdikdən sonra könüllü olaraq polisə təslim olmasıdır.

Bu hal nə deyir?

(Vəkil Sadiq Əfəndiyev)

Mövzu ilə bağlı Oxu24.com saytına  açıqlama verən tanınmış vəkil Sadiq  Əfəndiyev bildirib ki, könüllü təslim olması Rəşad  Dağlının işində yüngülləşdirən  hal kimi nəzərə alınacaq.

Vəkil bildirib ki, Azərbaycan Respublikası Cinayət Məcəlləsinin 60-cı maddəsinə əsasən şəxsin könüllü gəlib təqsirini boynuna alması halında əgər cəzanı ağırlaşdıran hallar yoxdursa, cəzanın müddəti və ya həcmi bu Məcəllənin Xüsusi hissəsinin müvafiq maddəsində nəzərdə tutulmuş daha ciddi cəza növünün son həddinin dörddə üçündən artıq ola bilməz. 
Göstərilən şərtlər mövcud olduğu halda adam öldürmə cinayətlərinə görə bu müddət 10 il 6 aydan artıq ola bilməz. Yəni az ola bilər, amma çox ola bilməz.

Miri Məcidli