Polis sevgilisini ayrılmaq istədiyi üçün öldürübmüş...

KRİMİNAL

1148

06.05.2022, 12:16

Xəbərlərimizi Google-da izləyin

Yeniliklərdən dərhal xəbərdar olun

Aprelin 22-də Nərimanov rayonunda polis mayorunun əvvəlcə sevgi münasibətində olduğu qadını, daha sonra özünü güllələyərək öldürməsi ilə bağlı bəzi detallar məlum olub.

OXU24.COM "Qafqazinfo"ya istinadən xəbər verir ki, ilkin məlumata görə, Xəzər Rayon Polis İdarəsinin müstəntiqi, polis mayoru T. Aslanov Günay Cabbarovanı ondan ayrılmaq istəməsinə görə öldürüb.

Aparılmış ilkin araşdırmalar zamanı məlum olub ki, Daxili İşlər Nazirliyinin Tibb İdarəsinin əməkdaşı olan və həkim-uroloq kimi çalışan G.Cabbarova ilə Tural Aslanov arasında bir neçə il əvvəl münasibət yaranıb. Daha sonra cütlük arasında problemlər başlayıb. Buna səbəb isə Günayın Turaldan ayrılmaq istəməsi olub. Tural Aslanov bununla razılaşmayıb və onların arasında mübahisə böyüyüb.

Araşdırmalarla müəyyən edilib ki, hadisədən əvvəl T.Aslanov Xəzər Rayon Polis İdarəsində növbətçi qrupda olub və aprelin 21-dən 22-nə keçən gecə Günayla əlaqə saxlayıb. Səhər saatlarında isə polis zabiti silahını götürərək idarəni özbaşına tərk edib və birbaşa Mərdəkan qəsəbəsindən Nərimanov rayonu Qarabağ küçəsinə - Günay Cabbarovanın yaşadığı mənzilə gedib. O, burada Günaya 3, daha sonra isə özünə 1 dəfə atəş açıb və hər ikisi hadisə yerində vəfat ediblər.

Qeyd edək ki, bu kimi hadisələrdə cinayəti törədən və cinayət törədilməsinə zəmin yaradan şəxslər həyatda olmadığına görə, sonrakı mərhələdə faktla bağlı açılmış cinayət işləri üzrə cinayət təqibi dayandırılır və işə xitam verilir.

Xatırladaq ki, qətlə yetirilən G.Cabbarova 2 uşaq anası olub.

Həmçinin oxuyun