Baş İdarə əməliyyat keçirdi: Yarım milyona görə tutulanlar kimdir?

DİN-in Kibercinayətkarlıqla Mübarizə Baş İdarəsi tərəfindən onlayn maliyyə piramidaları ilə bağlı əməliyyat keçirilib.

Oxu24.com   xəbər verir ki, bu barədə DİN-in Mətbuat xidmətindən bildirilib.

Məlumata görə, sosial şəbəkələrdə bu tipli paylaşımlar edən və onlayn piramida dələduzluq sistemi əsasında fəaliyyət göstərən cinayətkar qruplara qarşı polis əməkdaşları tərəfindən mütəmadi olaraq tədbirlər həyata keçirilir.

Sonuncu əməliyyat zamanı DİN-in Kibercinayətkarlıqla Mübarizə Baş İdarəsinə investisiya şirkəti adı altında fəaliyyət göstərən “First Zenit Capital” səhifəsinin “Shopify” beynəlxalq elektron ticarət portalında dövr etdirmək vədi ilə müxtəlif şəxslərin pul vəsaitlərini ələ keçirdiyi barədə çoxsaylı şikayətlər daxil olub.

Araşdırmalarla həmin şirkətin investisiya layihələri ilə məşğul olmadığı, elektron piramida dələduzluq sistemi əsasında fəaliyyət göstərdiyi və insanları ələ almaq məqsədi ilə yüksək məbləğdə qazanc vəd etdikləri müəyyən edilib. Bu məqsədlə sosial şəbəkələrdə mütəmadi olaraq “First Zenit Capital” şirkətinin reklamları paylaşılıb şirnikləndirici elanlar yerləşdirilib.

Saxlanılanlar kimlərdir?

Əməliyyat zamanı həmin şirkətin təsisci-direktoru Kərim Bəşirzadə və onunla birgə bu qanunsuz əməlləri törədən Taleh Əlizadə müəyyən edilərək saxlanılıblar.

Həmçinin oxuyun

Ardıcıl 4 gün iş olmayacaq

Məktəbli qızı aldadıb evinə gətirib - Övladları üçün “bacım uşaqlarıdır” deyib... 

Aydın Nəcəfov vəfat edib

Küçədən meyiti tapılan şəxs kimdir?

Yarım milyonluq qazanc

Araşdırmalarla onların bu yolla zərərçəkənlərin 500 min manata yaxın pulunu ələ keçirdikləri məlum olub. Saxlanılan şəxslərdən dələduzluq əməlləri zamanı istifadə etdikləri bank kartları və digər elektron sübutlar aşkarlanaraq götürülüb.

Faktla bağlı Baş İdarədə Cinayət Məcəlləsinin müvafiq maddəsi ilə cinayət işi başlanılıb. K.Bəşirzadə və T.Əlizadə barəsində məhkəmənin qərarı ilə həbs qətimkan tədbiri seçilib, əməliyyat-texniki tədbirlər davam etdirilir.

Qeyd olunub ki, “First Zenit Capital” şirkətinin qanunsuz fəaliyyətindən zərərçəkən digər vətəndaşlar varsa bu barədə polis orqanlarına müraciət edə bilərlər.

DİN müraciət edib

DİN vətəndaşları sosial şəbəkələrdə qarşılaşdıqları və iqtisadi əsaslara söykənməyən piramida dələduzluq sxemlərinə, həmçinin yatırım adı altında şişirdilmiş qazanc vəd edən tətbiqlərə inanmamağa çağırıb.