Kimlər gecə vaxtı işləyə  bilməz? - HÜQUQİ YARDIM

Oxu24.com oxuculara hüquqi yardım layihəsini davam etdirir.

Bu dəfə təqdim etdiyimiz  mövzu  gecə növbəsi işləməyə icazəsi verilməyən şəxslərlə  bağlıdır.

Kimlər gecə vaxtı yerinə yetirilən işlərə cəlb edilə bilməz?

Bəzi kateqoriya işçilər vardır ki, onların gecə vaxtı yerinə yetirilən işlərə cəlb edilməsinə yol verilmir.

Bura aşağıdakı kateqoriya işçilər daxildir:

1) Hamilə qadınlar

2) Üç yaşınadək uşağı olan qadınlar

3) Yaşı 18-dən aşağı olan işçilər

Qanunvericilik bu hissədə əlilliyi olan şəxslərlə bağlı olaraq da istisna hal müəyyən etmişdir. Belə ki, əliliyi olan işçilər yalnız öz yazılı razılığı əsasında və Azərbaycan Respublikasının Əmək və Əhalinin Sosial Müdafiəsi Nazirliyinin rəyi nəzərə alınmaqla gecə vaxtı yerinə yetirilən işlərə cəlb edilə bilər.

 

Hazırladı: Miri Məcidli