Bu gün Bakı Ağır Cinayətlər Məhkəməsində dustaqlar - "Qoca" ləqəbli avtoritet Etibar Məmmədov və Əli Ağaminin vaqondan qaçmasına görə təqsirləndirilənlər - müğənni Fədayə Laçın, polkovnik Bəhruz Abdullayevin məhkəməsi keçirilib.

"Qafqazinfo"nun verdiyi xəbərə görə, hakim Azad Məcidovun icraatında olan prosesdə Penitensiar Xidmətin sabiq əməkdaşları Fuad Hacıyev, Ceyhun Səmədov və Tural Poladxanov son söz deyiblər.

Onlar barələrində ədalətli hökm verilməsini istəyiblər.

Məhkəmə hökmü elan etmək üçün müşavirəyə çıxıb. Təxminən 1 saatdan sonra hökmün elan edilməsinə başlanılacaq.

Hakimlər müşavirədə olarkən F.Laçın məhkəmə zalında "Xatırlayarsan" mahnısını oxuyub. Oxu24.com