Cinayətin ehtiyatsızlıqdan törədilməsi halları hansıdır? - HÜQUQİ YARDIM 

Oxu24.com oxuculara  hüquqi yardımını  davam  etdirir.

 

Bu dəfə  təqdim  etdiyimiz  mövzu  Cinayətin ehtiyatsızlıqdan törədilməsi ilə bağlıdır.

 

Bu hansı hallara aiddir?

 

Cinayət Məcəlləsinin 26.1.maddəsində  qeyd   edilir  ki,  Cinayətkarcasına özünəgüvənmə və ya cinayətkarcasına etinasızlıq nəticəsində törədilmiş əməl (hərəkət və ya hərəkətsizlik) ehtiyatsızlıqdan törədilmiş cinayət sayılır.

 

26.2. Şəxs öz əməlinin (hərəkət və ya hərəkətsizliyinin) ictimai təhlükəli nəticələr verə biləcəyi imkanını qabaqcadan görmüş, lakin kifayət qədər əsas olmadan onların qarşısını alacağını güman etmişdirsə, bu əməl (hərəkət və ya hərəkətsizlik) cinayətkarcasına özünəgüvənmə nəticəsində törədilmiş cinayət hesab olunur.

 

26.3. Şəxs öz əməlinin (hərəkət və ya hərəkətsizliyinin) ictimai təhlükəli nəticələr verə biləcəyi imkanını lazımi diqqət və ehtiyatlılıq göstərərək qabaqcadan görməli olduğu və görə biləcəyi halda, onları görməmişdirsə, bu əməl (hərəkət və ya hərəkətsizlik) cinayətkarcasına etinasızlıq nəticəsində törədilmiş cinayət hesab olunur.

 

Hazırladı: Miri Məcidli