Şəhid ailələri Prezident təqaüdü almaq üçün nə etməlidir? - HÜQUQİ YARDIM 

Oxu24.com oxuculara hüquqi yardım layihəsini davam etdirir.

Bu dəfə təqdim etdiyimiz mövzu  Şəhid ailəsinin Prezident təqaüdü alması ilə bağlıdır.

Şəhid ailəsinə Azərbaycan Respublikası Prezidentinin təqaüdünün təyin edilməsi üçün tələb olunan sənədlər hansılardır?

Xidmət üzrə tələb olunan sənədlər:

1. Müraciət edənin şəxsiyyət vəsiqəsi;

2. şəhid statusunu təsdiq edən sənədin surəti.

“Şəhid ailəsi üçün Azərbaycan Respublikası Prezidentinin təqaüdü”nün təsis edilinəsi haqqında” Azərbaycan Respublikası Prezidentinin 2006-cı il 19 dekabr tarixli 493 nömrəli Fərmanında edilmiş dəyişiklikliyə əsasən təqaüdün aylıq məbləği 500 manat məbləğində müəyyən edilib.

Artımlar 2021-ci il yanvarın 1-dən tətbiq edilir.

Təqaüd Azərbaycan Respublikası Prezidentinin qərarı ilə dövlət büdcəsi hesabına ödənilir. Təqüdü verən orqan Dövlət Sosial Müdafiə Fondudur.

Hazırladı: Miri Məcidli