Oxu24.com hüquqi yardımı davam etdirir.

Bu dəfə təqdim etdiyimiz mövzu daşınmaz əmlakla bağlıdır.

Sual:Daşınmaz əmlakın dövlət reyestrindən çıxarış itirildikdə onu yenisi ilə əvəz etmək mümkündürmü?

Cavab:Azərbaycan Respublikası Prezidentinin 17.06.2015-ci il tarixli 553 nömrəli Fərmanı ilə təsdiq edilmiş “Hüquqların dövlət qeydiyyatı haqqında daşınmaz əmlakın dövlət reyestrindən çıxarışın təsviri”nin 2.5-ci bəndinə uyğun olaraq dövlət reyestrindən çıxarış itirildikdə dublikat verilir. Bu halda dövlət reyestrindən çıxarışın yuxarı sağ tərəfinə iri hərflərlə “DUBLİKAT” ştampı vurulur.

Həmin təsvirin 2.6-cı bəndinə uyğun olaraq dublikatın alınması ilə bağlı ərizəyə çıxarışın itirilməsi ilə əlaqədar onun etibarsız hesab olunması barədə məlumatı əks etdirən qəzet səhifəsi və daxili işlər orqanlarının müvafiq arayışı əlavə edilməlidir.

Hazırladı: Miri Məcidli