Sağlam adamı zorla "dəlixana"ya salanları hansı cəza gözləyir?

Oxu24.com oxuculara hüquqi yardım layihəsini təqdim edir.

 

Bu dəfə təqdim etdiyimiz mövzu  şəxsin Qanunsuz olaraq psixiatriya xəstəxanasına yerləşdirmə halları zamanı yaranan hüquqi məsuliyyətlə bağlıdır.

 

Cinayət Məcəlləsinin 146.1.  maddəsində  qeyd edilir  ki, psixi cəhətdən sağlam olan şəxsi bilə-bilə psixiatriya xəstəxanasına yerləşdirmə iki ilədək müddətə islah işləri və ya üç ilədək müddətə azadlıqdan məhrum etmə ilə cəzalandırılır.

Eyni əməllər təqsirkar şəxs tərəfindən öz qulluq mövqeyindən istifadə etməklə törədildikdə üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə üç ildən beş ilədək müddətə azadlıqdan məhrum etmə ilə cəzalandırılır.

Bu Məcəllənin 146.1 və ya 146.2-ci maddələrində göstərilən əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda beş ildən səkkiz ilədək müddətə azadlıqdan məhrum etmə ilə cəzalandırılır.

 

Hazırladı: Miri Məcidli