Hərbi hissədən qaçan əsgəri hansı CƏZA GÖZLƏYİR? -HÜQUQŞÜNAS DANIŞIR

Xəbər verdiyimiz kimi,Laçın istiqamətində hərbi qulluqçumuzun itkin düşməsi faktı ilə bağlı cinayət işi başlanıb.

Hadisənin hallarının araşdırılması məqsədilə Hərbi Prokurorluqda müvafiq araşdırma aparılmış və araşdırma nəticəsində Nəsimi Musayevin hərbi hissəni özbaşına tərk etməsinə əsaslı şübhələr müəyyən edilib.

Araşdırma zamanı toplanmış materiallar əsasında Azərbaycan Respublikası Hərbi Prokurorluğunun İstintaq idarəsində Cinayət Məcəlləsinin müvafiq maddəsi ilə cinayət işi başlanılmış, hazırda iş üzrə zəruri istintaq və digər prosessual hərəkətlər davam etdirilir.

Qeyd olunan məlumatları  Baş Prokurorluq yayıb.

Bəs,hərbi hissəni özbaşına tərk edən əsgəri hansı cəza gözləyir?

Mövzu ilə bağlı Oxu24.com-a danışan hüquqşünas Ellada Bayramova bildirib ki, Azərbaycan Respublikasının Qanunvericiliyinə əsasən, hərbi hissəni və ya xidmət yerini özbaşına tərk etmə Azərbaycan Respublikası Cinayət Məcəlləsinin) 333-cü maddəsi ilə tənzimlənir.

Hüquqşünasın sözlərinə görə,çağırış üzrə hərbi qulluqçunun hərbi hissəni,xidmət yerini özbaşına tərk etməsi və ya vaxtında gəlməməsi 3 gündən artıq, lakin 10 gündən çox olmadıqda (və ya 3 gündən az olsa belə, 6 ay ərzində təkrar törədildikdə) — 1 ilədək müddətə intizam xarakterli hərbi hissədə saxlama ilə cəzalandırılır.Qanunvericiliyə və Konstitusiya Məhkəməsinin qərarına əsasən, bu maddədə 1 gün 24 saatlıq müddəti (sutka) ehtiva edir.

Şərh olunan cinayətin cəhəti iki növ fəraliliyi nəzərdə tutur: 

1. hərbi hissəni özbaşınatərketmənin və ya xidmət yerinə qayıtmamanın müddətinə görə müəyyən edilən fərarilik. 

2. hərbi hissənin özbaşına tərk etmənin və ya xidmət yerinə qayıtmamanın məqsədinə görə müəyyən edilən fərarilik.

Cinayətin subyektiv cəyətin təqsirin yalnız birbaşa qəsd formasında ifadə oluna bilər. Fərariliyin ikinci növü üçün  subyektiv cəhətin  daha bir zəruri əlaməti xüsusi məqsədin – hərbi xidmətdən boyun qaçırma məqsədinin olmasıdır. 

"Daha uzun müddətlər və ağırlaşdırıcı hallar: Əməlin törədilmə müddətindən (məsələn, 10 gündən, 1 aydan artıq) və ya döyüş şəraitində icra olunmasından asılı olaraq cəza müddəti (azadlıqdan məhrum etmə) artır.Əgər hərbi qulluqçu hərbi xidmətdən həmişəlik yayınmaq məqsədilə hərbi hissəni tərk edibsə, əməl fərarilik kimi tövsif oluna və AR CM-in 334-cü maddəsi ilə tənzimlənə bilər",-deyə Ellada Bayramova bildirib.

Jalə

Həmçinin oxuyun

O gəmidə yaralananlardan biri də Coşqun olub - Foto+Video 

Vüsal Aslanov özünə yeni müşavir təyin etdi - Foto  

Əmr İMZALANDI: Onların maaşları artırıldı  

Ramil Usubov kürəkəninin dəfninə niyə qatılmayıb?