Doğum günü olan general  - Hikmət Mirzəyev haqda BİLMƏDİKLƏRİMİZ

Bu gün  Xüsusi Təyinatlı Qüvvələrin komandanı, general-leytenant Hikmət Mirzəyev müdafiə nazirinin müavini - Quru Qoşunlarının komandanı Hikmət Mirzəyevin doğum günüdür.

Oxu24.com  xəbər verir ki, Hikmət Mirzəyevin xüsusilə də Vətən müharibəsində əməyi böyükdür. Şuşa əməliyyatında Hikmət Mirzəyevin komandanlığı ilə xüsusi təyinatlı qüvvələrimiz böyük qəhrəmanlıq göstərib, qürur yerimiz olan Şuşanı kiçik çaplı silahlarla, bəzi yerlərdə düşmənlə əlbəyaxa döyüşməklə geri alıblar. 

H.Mirzəyevin hər bir rütbəsində dövlətə dərin xidmət var. O, 2016 və 2020-ci illərdə Qarabağda aparılan hərbi əməliyyatların əsas rəhbərlərindəndir.

H.Mirzəyev Cəbrayıl rayonunun, Şuşa şəhərinin işğaldan azad edilməsi əməliyyatının rəhbəridir.

Onun yetişdirdiyi xüsusi təyinatlı qüvvələr digər qoşun növlərindən tamamilə fərqlənirlər. Xüsusi təyinatlı zabitlərimiz Ordumuzun görən gözü, vuran qolu, düşünən beyni hesab olunur.

H.Mirzəyev dünya miqyasında qəbul olunan əfsanəvi hərbçidir. O, dünyanın istənilən bölgəsində, istənilən relyefdə (dağ, meşə, səhra, su və s.) mümkünsüz olan hərbi əməliyyatları həyata keçirə bilən sərkərdədir.

Döyüşdə H.Mirzəyevlə üz-üz gəlmək intihar deməkdir. Onun xüsusi əlbəyaxa döyüş bacarığı, soyuq və odlu silahlardan möcüzəvi şəkildə istifadə etmək məharəti sadəcə inanılmazdır. Biz bütün bunları filmlərdə görmüşük. Şuşanın işğaldan azad edilməsi bunun təsdiqidir.

Ali Baş Komandan İlham Əliyevin Hikmət Mirzəyevi Şuşanın işğaldan azad edilməsi münasibəti ilə təbrik etməsi isə xüsusilə qeyd edilməlidir.

Xüsusi Təyinatlı Qüvvələrin Komandanı, general-leytenant Hikmət İzzət oğlu Mirzəyev Biləsuvar rayonunda doğulub. O, Birinci Qarabağ müharibəsində iştirak edib, xüsusi təyinatlı taborun üzvü olub. 

Həmçinin oxuyun

Naibə Allahverdiyevaya ağır itki 

Adil Vəliyevin oğlu özünün komfortu üçün yolu “bağlatdırdı” — FOTO (RƏSMİ) 

"Lələtəpə" uğrunda  yaralanan qazi ilə MÜSAHİBƏ

Aygün Kazımovanın mətbuat xidmətindən oxuyan Kəmalə Günəşliyə sərt cavab

H.Mirzəyev Ümummilli Lider Heydər Əliyevin Prezident olduğu illərdə polkovnik-leytenant hərbi rütbəsini daşıyıb. Ona polkovnik rütbəsini də məhz Heydər Əliyev təqdim edib.

O, 19 yanvar 2002-ci ildə Ulu Öndər Heydər Əliyevin imzaladığı sərəncamla general-mayor ali hərbi rütbəsinə layiq görülüb. 17 oktyabr 2020-ci ildə Prezident İlham Əliyev general-mayor Hikmət İzzət oğlu Mirzəyevi general-leytenant ali hərbi rütbəsi ilə təltif edib.

2016-cı ilin aprelində və 2020-ci ildə Qarabağda aparılan hərbi əməliyyatların rəhbərlərindəndir. 

8 noyabrda Xankəndidə keçirilən parad heyətinə Vətən Müharibəsi Qəhrəmanı general-leytenant Hikmət Mirzəyev başçılıq edib.

Hikmət Mirzəyev "Vətənə xidmətə görə", "Azərbaycan bayrağı" ordeni, "Vətən uğrunda", "İgidliyə görə", 3 dəfə "Hərbi xidmətdə fərqlənməyə görə", "Azərbaycan Respublikası Silahlı Qüvvələrinin 10 illiyi (1991-2001)" yubiley medalı, "Azərbaycan Respublikası Silahlı Qüvvələrinin 90 illiyi (1918-2008)" yubiley medalı, "Azərbaycan Respublikası Silahlı Qüvvələrinin 95 illiyi (1918-2013)" yubiley medalı, "Azərbaycan Ordusunun 100 illiyi (1918-2018)" yubiley medalları ilə təltif olunub.

Hikmət Mirzəyevin Şuşa əməliyyatı ilə bağlı fikirlərinə qulaq asdıqda çox mətləblərə aydınlıq gəlir. 

Şuşa haqqında danışan Hikmət Mirzəyev həmin qürurlu günləri belə xatırlayır:

“Şuşaya girəndə özümü çox xoşbəxt hiss etdim. Vicdanım içimdə öz cavabını tapmışdı. O vaxta kimi daim əziyyət çəkirdim. Orada bunu hiss etdim”.