Rusiyada həyata keçirilən qismən səfərbərlik çərçivəsində 1430 bələdiyyədən 302 503 nəfər Silahlı Qüvvələr sıralarına çağırılıb.

Oxu24.com    xəbər  verir  ki, bu  barədə   RBC Müdafiə Nazirliyinin təqdim etdiyi “Rəqəmlərdə ordu - 2023” hesabatının materiallarına istinadən məlumat yayıb.

Departamentin məlumatına görə, səfərbər edilmiş 33 min rus əsgəri çağırış vərəqəsini gözləmədən hərbi komissarlıqlara müstəqil şəkildə gəlib.

Nazirlik hesabatda səfərbər edilmiş vətəndaşın orta portretini də təqdim edib.

Bu, orta və orta ixtisas təhsilli, 35 yaşında bir kişidir. Səfərbər olunanların 7 faizi ali təhsillidir.

Həmçinin qeyd olunur ki, hərbi xidmətə çağırılanların 57 faizi ailəlidir, səfərbər olanların 31 faizi bir uşaq, 0,3 faizinin üç uşağı var.

Qismən səfərbərliyin başlandığı dövrdə çağırışçıların 89 faizinin daimi iş yeri var idi.

Müəllif:Afət