İsrailin baş naziri Benyamin Netanyahu oktyabrın 15-i axşam saatlarında BƏƏ prezidenti Şeyx Məhəmməd bin Zayed Əl Nəhyanla telefonla danışıb.

Oxu24.com xəbər verir  ki, bu haqda  İsrail baş nazirinin ofisi elan edib.

Bu, oktyabrın 7-də İsrail və HƏMAS arasında müharibə başlayandan sonra iki ölkə liderləri arasında ilk söhbətdir.

“Dünən axşam Baş nazir Benyamin Netanyahu BƏƏ prezidenti Şeyx Məhəmməd bin Zayedlə danışıb. Liderlər HƏMAS-ın İsrail vətəndaşlarına qanlı hücumu nəticəsində başlayan regional hadisələri müzakirə ediblər”, - ofisin açıqlamasında deyilir.

Axios portalı mənbələrə istinadən daha əvvəl məlumat vermişdi ki, məhz BƏƏ hökuməti Suriyanı İsrail və HƏMAS arasındakı müharibəyə müdaxilə etməmək barədə xəbərdar edib.

Müəllif:Nigar