Qərbi Almaniyanın Dortmund şəhərində naməlum şəxslər yəhudilərin yaşadığı bəzi evlərin üzərinə Davud Ulduzu çəkiblər.

Oxu24.com xəbər verir ki,Yerli polisin mətbuat xidməti xəbər verir ki, hüquq-mühafizə orqanlarının əməkdaşları baş vermiş hadisələrlə bağlı araşdırmalara başlayıb.

İdarənin məlumatına görə, ötən həftə beş evin üzərinə yəhudi simvolunun təsvirləri çəkilib.

Əməliyyatçılar hələ də hücum edənlərin izinə düşməyiblər.

Yeri gəlmişkən, Berliner Kurier qəzeti əvvəllər Berlində bir neçə evin də Davud Ulduzları ilə işarələndiyini yazıb. Nə qədər qraffiti insidentinin baş verdiyi məlum deyil, lakin sosial şəbəkələrdə ən azı üç qraffiti ilə işlənmiş binanın fotoları yayılıb. Hüquq-mühafizə orqanlarının əməkdaşları da hadisələrlə bağlı araşdırmalara başlayıb.

Qeyd edək ki, Almaniyada nasist diktaturası dövründə yəhudilərin yaşadığı evlər Davud ulduzu ilə işarələnmişdi.

Bundan əlavə, Bild-in yazdığı kimi, Almaniyanın hər yerində naməlum şəxslər həmrəylik əlaməti olaraq hökumət binalarından asılan İsrail bayraqlarını söküb yandırırlar. Oxşar hallar xüsusilə Erfurt, Berlin, Axen, Pirna, Stralsund, Şverin, Vitten, Krefeld, Mayns, Münster, Leverkusen, Stade, Moers və Reklinqhauzendə baş verib.

Yada salaq ki, HƏMAS və İsrail arasında münaqişənin kəskinləşməsindən sonra Aİ ölkələrində genişmiqyaslı etiraz aksiyaları keçirilməyə başlayıb. Parisdə polis Fələstinə dəstək aksiyasını dağıtmaq üçün su şırnaqları və gözyaşardıcı qazdan istifadə edib. Belə nümayişlər London, Mançester və Edinburqda keçirilib. İngiltərə paytaxtında ərəb dövlətinin müstəqilliyinə dəstək şüarları səsləndirilib.

Müəllif:Afət