NATO-nun baş katibi Yens Stoltenberq bildirib ki, Türkiyənin müdafiə naziri Yaşar Gülər Brüsseldə keçirilən toplantıda NATO müttəfiqlərini Ankaranın İsveçin alyansdakı üzvlüyünün ratifikasiyasına dair razılaşmaya sadiqliyinə əmin edib.
Oxu24.com xəbər verir ki, bu sözləri Brüsseldə NATO-nun müdafiə nazirlərinin görüşündə NATO-nun baş katibi Yens Stoltenberq səsləndirib.
“Biz Ankaranın ratifikasiya sənədlərini parlamentə təqdim etməsini gözləyirik. Bütün müttəfiqlər bu gün İsveçin mümkün qədər tez üzv olması lazım olduğunu bildirdi”, - deyə Stoltenberq çıxışında bildirib.
Bundan əvvəl NATO baş katibinin müavini Mirça Coana Şimali Atlantika Alyansı ölkələrinin hərbi sənaye ilə sursat istehsalı üçün 2,4 milyard avroluq müqavilə imzaladığını bildirib.
Bundan əvvəl İsveçin müdafiə naziri Pol Conson ölkənin NATO-ya daxil olmasını “Qripen” döyüş təyyarələrinin Ukraynaya mümkün transferi üçün şərt adlandırıb.
NATO-nun hərbi komitəsinin rəhbəri Rob Bauer bəyan edib ki, Şimali Atlantika Alyansı 2024-cü ildə “Sabit Müdafiəçi” təlimlərində şərq cinahının müdafiəsini məşq edəcək.
Müəllif: Nigar
Oxu24.com
ŞƏRHLƏR