Rusiyanın baş naziri Mixail Mişustin Qazaxıstanın paytaxtı Astanaya səfər edib.

Oxu24.com xəbər verir  ki,O, bu ölkədə ilk dəfə təşkil olunan “İnnoprom” beynəlxalq sənaye sərgisini ziyarət edəcək.

Mişustin təkcə tədbirdə iştirak etməyi deyil, həm də “Yeni dövrün sənaye strategiyaları” adlı plenar sessiyada çıxış etməyi planlaşdırır.

O, Qazaxıstan, Belarus və Qırğızıstandan olan həmkarları ilə görüşəcək. Hökumət başçısı maşınqayırma, gəmiqayırma, dəzgahlar, kimya, metallurgiya, toxuculuq və aviasiya sənayesinə həsr olunmuş sərgilərə baxacaq.

“İnnoprom” sentyabrın 25-dən 27-dək keçiriləcək. Sərgi Avrasiyanın aparıcı platformasıdır və 18 ölkədən 10 mindən çox iştirakçını birləşdirir.

Bundan əvvəl, sentyabrın 14-də Rusiyanın daxili işlər naziri Vladimir Kolokoltsev dövlətlərin Daxili İşlər Nazirləri Şurasının iclasında iştirak etmək üçün Qazaxıstana uçub.

Müəllif: Nigar