Avstriya Rusiya ilə dialoqun davam etdirilməsinə tərəfdardır

Avstriyanın xarici işlər naziri Şallenberq Rusiya ilə dialoqu davam etdirməyə çağırıb

Oxu24.com xəbər verir ki,Avstriyanın xarici işlər naziri Aleksandr Şallenberq Rusiya ilə dialoqu davam etdirməyə çağırıb.

O qeyd edib ki, bunun üçün BMT, ATƏT kimi müvafiq platformalar mövcuddur.

"Bu təşkilatlar heç vaxt həmfikirlərin klubu olmayıb. Axı, hətta soyuq müharibə dövründə də dialoq aparmaq çətin olub. Bunu unutmaq olmaz", - Şallenberq Avstriya Mətbuat Agentliyi ilə söhbətində qeyd edib.

Nazir əlavə edib ki, Moskvanın iştirakı tərksilah və iqlim məsələlərinin həlli üçün zəruridir. Eyni zamanda o, Rusiyanın Ukraynadakı hərəkətlərini “neo-imperialist” adlandırıb.

Bundan əvvəl Avstriyanın keçmiş xarici işlər naziri Karin Knaysl bildirmişdi ki, Rusiya prezidenti Vladimir Putinin Qərbdə layiqli həmsöhbətləri yoxdur. Keçmiş diplomat bunu böyük beynəlxalq problem adlandırıb.

 

Müəllif:Afət