Vaqner PMC-nin qaçan keçmiş muzdlusu Medvedev saxlanılıb

NRK telekanalı Norveç polisinə istinadən xəbər verir ki, gənc Norveç və Rusiya sərhədini keçmək istəyərkən saxlanılıb, saxlanılan şəxsin adı və milliyyəti açıqlanmır.

Oxu24.com xəbər verir  ki, bu  barədə  Norveç polisi X-də (keçmiş Twitter) yazıb: “Bu gecə Grens Yakobselvdə 20 yaşlarında bir kişi Norveç-Rusiya sərhədini keçməyə cəhd ittihamı ilə saxlanılıb”.

Eyni zamanda vəkil Brynjolf Risnes telekanala bildirib ki, saxlanılan şəxs onun müştərisi Andrey Medvedevdir və o, Vaqner qruplaşmasının döyüşçüsü olduğunu bildirib.

Vəkilin sözlərinə görə, müdafiə etdiyi şəxs sərhədi keçmək barədə düşünməyib.

“Barents Observer” qəzeti yazır ki, insident Medvedyevin Kirkenesin mərkəzində nəşrin jurnalisti ilə görüşündən bir neçə saat sonra baş verib.

Yanvarda Norveçdə özünü Vaqner PMC-nin keçmiş döyüşçüsü kimi təqdim edən rusiyalının saxlanıldığı xəbəri yayılmışdı.

Vaqner PMC-nin təsisçisi Yevgeni Priqojin bu xəbərləri şərh edərkən bildirib ki, Medvedev əslində Norveç vətəndaşlığına malik olduğundan şirkətin Norveç batalyonunda - Nidhoqda xidmət edib.

May ayında Medvedev vətənə qayıtmaq istədiyini bildirmişdi.

 

Müəllif: Miri Məcidli