Rusiya hərbi xərclərini kəskin artıracaq-  BLOOMBERG

2024-cü ildə Rusiya hakimiyyəti müdafiəyə büdcə xərclərini ÜDM-in hazırkı 3,9%-dən 6%-ə qədər artırmaq niyyətindədir.

Oxu24.com xəbər verir  ki,  büdcə planlarının layihəsini nəzərdən keçirən Bloomberg xəbər verir.

Ukraynanın işğalından əvvəl Rusiyanın hərbi büdcəsi ÜDM-in 2,7%-ni təşkil edirdi. 2024-cü il üçün hərbi xərclər 10,8 trilyon rubl müəyyən edilibsə, bu il təxminən 6,4 trilyon rubl təşkil edib.

Bundan əlavə, büdcədə təsnifatlaşdırılmış xərc maddələri var. Gələn il onlar üçün 2023-cü ildəki 6,5 trilyon rubla qarşı 11,1 trilyon rubl ayrılması planlaşdırılır.

Rusiyada prezident seçkiləri ilində sosial ehtiyaclara dövlət xərcləri də artaraq 6,5 trilyon rubldan 7,5 trilyon rubla çatacaq. Ümumilikdə, 2024-cü ilin büdcəsinə 35 trilyon rubl daxil edilib ki, bu da bu illə müqayisədə 22% çoxdur. Eyni zamanda, o, kəsirdə qalacaq - xərclər gəlirləri ən azı 0,9% üstələyəcək.

 

Müəllif:Nigar