Macarıstan Rusiya və Belarusdan uzaq durmağa çağırılır

NATO və Aİ Macarıstanı BMT-də Rusiya Federasiyası və Belarus nümayəndələri ilə görüşməməyə çağırıb.

Oxu24.com xəbər verir  ki,bunu Macarıstanın xarici işlər naziri Siyarto Çinin CGTN telekanalına açıqlamasında deyib.

Szijarto vurğulayıb ki, bu cür yanaşma BMT-nin münaqişənin həlli platforması kimi əsas vəzifəsinə ziddir.

“Mən görürəm ki, NATO və Avropa İttifaqından olan həmkarlarımız və müttəfiqlərimiz bu Baş Assambleyadan dialoq platforması kimi istifadə etmək istəmirlər. Bizi Rusiya və Belarus nümayəndələri ilə görüşməməyə inandırmağa çalışırdılar. Amma məncə, bu dalana dirənib. Əgər siz bizimlə münaqişələrimiz olanlarla əlaqə saxlaya bilmirsinizsə və bu münaqişələri müzakirə edə bilmirsinizsə, o zaman biz heç vaxt sülh yolu ilə həll tapa bilməyəcəyik”, - deyə Macarıstanın xarici işlər naziri bildirib.

O, həmçinin BMT-nin ölkələr arasında ən gərgin münaqişələrin belə həlli üçün dialoq üçün ideal yer olduğuna inandığını bir daha vurğulayıb.

"BMT bir-biri ilə hətta müharibə vəziyyətində olan və ciddi fikir ayrılıqları olan ölkələr üçün platforma kimi yaradılıb",- deyə Szijjarto bildirib.

 

Müəllif: Nigar