Kreml BMT Təhlükəsizlik Şurasında dəyişiklik edilməsinin vacibliyinə işarə edib

Bir çox ölkələr bu fikirdədir ki, BMT Təhlükəsizlik Şurası daha inklüziv olmalıdır.

Oxu24.com xəbər verir ki,bu barədə RT-yə Rusiya prezidentinin mətbuat katibi Dmitri Peskov məlumat verib. O, bu barədə Rusiya prezidenti Vladimir Putinlə Çinin xarici işlər naziri Vanq İnin görüşündən sonra açıqlama verib.

Kreml nümayəndəsinin sözlərinə görə, bu, BMT-dən müəyyən uyğunlaşma tələb edən qlobal dəyişikliklərin dünyada baş verməsi ilə izah olunur.

Peskov deyib: “Bir çox ölkələr Təhlükəsizlik Şurasının daha inklüziv olması ideyasını dəstəkləyir; o, iqtisadi, siyasi və digər məsələlərdə səsi getdikcə daha çox eşidilən ölkələri əhatə etməlidir”.

O, əlavə edib ki, Rusiya və Çin qarşılıqlı hörmətə əsaslanan “dövlətlərarası münasibətlərin mahiyyətini anlayır”. Lakin onun fikrincə, bu, yeni dünya düzəninin formalaşması haqqında demək üçün kifayət deyil.

“Hər halda, əsas orqan Birləşmiş Millətlər Təşkilatıdır, bizim başqa qurumumuz yoxdur”, - Peskov yekunlaşdırıb.

Newsweek jurnalı daha əvvəl yazmışdı ki, Rusiya və Çin BMT-də öz nöqteyi-nəzərini təşkilatın Baş Assambleyasında daim irəli sürməyə çalışan ABŞ-dan daha çox təsirə malikdir.

 

Müəllif:Afət