Arvadını ov tüfəngi ilə öldürdü

Türkiyənin Antalyanın Döşemealtı rayonunda əri tərəfindən ov tüfəngi ilə vurulan qadın həyatını itirib.

Oxu24.com xəbər verir  ki,Yeniköy məhəlləsi 388 küçəsində yerləşən iki mərtəbəli evdə yaşayan cütlük İbrahim (48) ilə Nadire Güzelçolak (42) arasında naməlum səbəbdən mübahisə düşüb.

Mübahisə davaya çevrildikdən sonra İbrahim Güzelçolak evdə olan ov tüfəngindən həyat yoldaşına atəş açıb.

Güzelçolak daha sonra Döşemealtı Polis bölməsinə gedərək həyat yoldaşını öldürdüyünü söylədikdən sonra ünvana polis və sağlamlıq qrupları sövq edildi.

Həkimlər qrupu Nadire Güzelçolakın öldüyünü müəyyən edib.

Müayinədən sonra qadının cəsədi yarılma üçün Antalya Ədli Tibb Qurumuna göndərilib.

Hadisəni eşidən qadının yaxınları gözyaşlarına boğuldu.

Nəzarətə alınan İbrahim Güzelçolak barəsində polis bölməsində proses davam edir.

 

Müəllif:Nigar