Oxu24.com xəbər verir  ki,Polşa hökumətinin sözçüsü Piotr Muller Polsat TV-yə bildirib ki, Polşa hakimiyyəti bu ilin sonunda ukraynalı qaçqınlar üçün müavinətlərin ödənilməsini dayandırmaq qərarına gəlib.

Müller qeyd edib ki, “əbədi heç nə verilmir” və gələn ilin əvvəlində ukraynalı qaçqınlar üçün güzəştlər tətbiq edilməyəcək. Onun sözlərinə görə, hələ ki, onların ödənişlərinin davam etdiriləcəyinə dair heç bir məlumat yoxdur, lakin onlar “çox dərəcədə uzadılmayacaq”.

Nazirlər Kabinetinin nümayəndəsi vurğulamışdır ki, beynəlxalq ictimaiyyət ukraynalılara geniş səviyyədə yardım göstərilməsinə cəlb edilməlidir.

Sentyabrın əvvəlində Polşada Ukraynadan olan qaçqınlar üçün ən böyük mərkəz bağlanıb.

Polşa Elmlər Akademiyasının sosioloqu Henrik Domanski bildirib ki, polyaklar ukraynalı qaçqınlara göstərilən yardımın həcmindən narazıdırlar.

Asia Times-ın köşə yazarı Stiven Brayanın sözlərinə görə, hazırda Avropada Ukraynadan olan 5,2 milyon, Polşada isə 1,2 milyon qaçqın yaşayır.

Müəllif:Afət