Kreml Kadırovun səhhəti ilə bağlı sualı cavablandırıb

Rusiya prezidentinin mətbuat katibi Dmitri Peskov bildirib ki, Çeçenistan rəhbəri Ramzan Kadırovun səhhətinin vəziyyəti ilə bağlı əvvəlki açıqlamalarına əlavə edəcək heç nə yoxdur.

Oxu24.com xəbər verir  ki,O, bu barədə jurnalistlərə açıqlamasında bildirib.

“Xeyr, əlavə edəcəyim heç nə yoxdur. Fakt budur ki, kiminsə səhhəti barədə məlumat vermək prezident administrasiyasının funksiyası deyil, ona görə də burada sizə heç nə deyə bilmərəm”, - Kreml nümayəndəsi bildirib.

Bir gün əvvəl keçirdiyi brifinqdə Peskov Kadırovun səhhətinin vəziyyəti ilə bağlı ona sual verən jurnalistlərin sualını artıq cavablandırmışdı. O bildirib ki, Kremldə bu məlumat yoxdur.

Sentyabrın 17-də Çeçenistan prezidentinin Telegram kanalında səhhətində problemlər, Kadırovun yağışda yeriməsi barədə məlumat yayılıb. Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov daha əvvəl iddia etmişdi ki, Kiyevdə Kadırovun guya ağır vəziyyəti ilə bağlı “məlumat var”. Eyni zamanda o, “söhbət xəsarətlərdən yox, “sistemik sağlamlıq problemlərindən” getdiyini bildirib və əlavə edib ki, təfərrüatların dəqiqləşdirilməsinə ehtiyac var. 3 sentyabr 2022-ci ildə Çeçenistan rəhbəri Telegram kanalında “qeyri-müəyyən və uzunmüddətli məzuniyyətə” getməyi planlaşdırdığını açıqladı. Üç gün sonra o, planlarından əl çəkdi.

 

Müəllif:Afət