Rusiyaya qarşı 12-ci sanksiyalar paketinə nələr daxil olacaq

Bloomberg öz mənbələrinə istinadən xəbər verir ki, Aİ-nin Rusiyaya qarşı yeni sanksiyalar paketi oktyabrda təqdim olunacaq.

Agentliyin məlumatına görə, 12-ci sanksiyalar paketinə Rusiyadan almazların idxalına qadağa, Rusiya Federasiyasından mayeləşdirilmiş təbii qaza məhdudiyyətlər, eləcə də Rusiyanın İT sektoru daxil ola bilər.

Bundan əlavə, nəşrin mənbələri iddia edir ki, yeni paket çərçivəsində Rusiya Federasiyası Mərkəzi Bankının dondurulmuş aktivlərindən Ukraynaya kömək etmək üçün istifadə etmək planı təqdim oluna bilər.

Bloomberg-in qeyd etdiyi kimi, bəzi ölkələr, o cümlədən Polşa və Baltikyanı ölkələr də Rusiyanın nüvə sektorunu məhdudlaşdırmağa çağırırlar. Bununla belə, agentlik yazır ki, belə məhdudiyyətlərin tətbiq olunacağı ehtimalı azdır, çünki Aİ-yə üzv olan dövlətlərin çoxu onlara qarşı çıxır.

Bundan əlavə, yeni sanksiyalar paketi, ehtimal ki, üçüncü ölkələr vasitəsilə sanksiyalardan yayınmağı məhdudlaşdırmaq üçün əlavə addımları əhatə edəcək. BƏƏ və Türkiyə kimi.

Aİ 2023-cü ilin iyununda Rusiyaya qarşı on birinci sanksiyalar paketini qəbul edib. Buraya əvvəllər qoyulmuş məhdudiyyətlərdən yayınma ilə mübarizəyə yönəlmiş bir sıra ticarət və logistika tədbirləri daxildir.

 

Müəllif6Afət