Rusiya Bankı inflyasiya ilə bağlı proqnoz verib

Rusiya Bankının məlumatına görə, yaxın aylarda artan qiymət təzyiqi səbəbindən Rusiyada illik inflyasiya artmağa davam edəcək.

Oxu24.com xəbər verir  ki,“Gələcək aylarda illik inflyasiya artmağa davam edəcək. Proqnozlara görə, 2023-cü ildə 6,0-7,0% olacaq, sonra 2024-cü ildə 4%-ə qayıdacaq və bundan sonra 4%-ə yaxın qalacaq”, - deyə hesabatda bildirilir.

Mərkəzi Bankın məlumatına görə, inflyasiyaya qarşı əhəmiyyətli risklər reallaşıb. Xüsusilə, daxili tələbatın artması, istehsalın genişləndirilməsi imkanlarını üstələməsi və rublun zəifləməsi fonunda bu gözlənilir.

Rusiya Bankı həmçinin 77 regionda illik inflyasiyanın sürətləndiyini qeyd edib.

Rusiya prezidenti Vladimir Putin 2024-2026-cı illər üzrə federal büdcə layihəsi ilə bağlı keçirilən iclasda hökumətə və Mərkəzi Banka rublun məzənnəsini gücləndirmək üçün tədbirlər görməyi tapşırıb.

Həmçinin görüş zamanı Rusiya prezidenti avqust ayında ölkənin büdcəsi və onun profisiti ilə bağlı vəziyyətin sabitləşdiyini açıqlayıb. O, pessimist proqnozlara baxmayaraq, Rusiya iqtisadiyyatının ilin sonuna kimi 2,5-2,8% arta biləcəyinə aydınlıq gətirib.

 

Müəllif: Miri Məcidli