Kanada hava hücumundan müdafiə raketləri üçün Ukraynaya pul verəcək

Kanada Ukraynaya hava hücumundan müdafiə sistemlərinin tədarükü üçün 24 milyon dollar ayıracaq.

Kanada Kiyevə hava hücumundan müdafiə imkanlarını təmin etmək üçün Böyük Britaniyanın rəhbərlik etdiyi beynəlxalq tərəfdaşlığa 33 milyon Kanada dolları (təxminən 24 milyon ABŞ dolları) töhfə verəcək.

Oxu24.com xəbər verir  kiBu barədə RİA Novosti məlumat yayıb.

Nəşr qeyd edir ki, Ukrayna ölkənin mühüm milli infrastrukturunu qorumaq üçün zəruri olan yüzlərlə qısa və orta mənzilli hava hücumundan müdafiə raketləri ilə təmin olunacaq.

Qeyd olunur ki, vəsait 2023-cü ilin iyununda Böyük Britaniyanın rəhbərliyi altında Danimarka, Hollandiya və ABŞ da daxil olmaqla bir neçə ölkənin Kiyevi hava hücumundan müdafiə sistemləri ilə təmin etmək üçün yaratdığı ortaqlığa yönəldiləcək.

Bundan əvvəl Kanadanın baş naziri Castin Trudeau demişdi ki, İyirmilik Qrupu (G20) ölkələrinin liderlərinin Ukrayna ilə bağlı yekun bəyanatı yalnız Kanadadan asılı olsaydı, daha sərt ola bilər.

O, həmçinin qeyd edib ki, bəyanat yalnız G20-nin digər dövlətlərindən asılı olsaydı, bu, Ukraynaya münasibətdə də çox yumşaq olardı.

O qeyd edib ki, G20 “son dərəcə parçalanmış qrup”dur və bəyanat mümkün qədər sərtdir.

 

Müəllif:Afət