Almaniya prezidenti İslamdan danışıb

Almaniya əsrlər boyu dini müxtəlifliyə görə formalaşıb.

Oxu24.com “Anadolu”y istinadən  xəbər verir ki, bunu Almaniya prezidenti Frank-Valter Ştaynmayer Almaniyada İslam Mədəniyyəti Mərkəzləri Assosiasiyasının 50 illiyi ilə bağlı keçirilən tədbirdə çıxışı zamanı deyib.

"İslamın müxtəlifliyi və 5 milyondan çox müsəlman Almaniyanın bir hissəsidir",- deyə  Ştaynmayer bildirib.

Onun sözlərinə görə, Almaniya neytral dövlətdir, lakin din azadlığı o demək deyil ki, ölkədə din yoxdur. “Əksinə, bu o deməkdir ki, dinlərin yeri var, biz bütün dindarlar üçün azadlığı təmin edirik. İnanıram ki, dinlərin müxtəlifliyi bizə və ölkəmizə kömək edir”.

Ştaynmayer deyib ki, islamofobiya, antisemitizm və ya xristianlara nifrət Almaniya demokratiyasına yad olan bir zəhərdir.

 

Müəllif:Afət