BMT: 47 milyon insan aclıq astanasındadır

Birləşmiş Millətlər Təşkilatının Ümumdünya Ərzaq Proqramının məlumatına görə, dünyada təxminən 783 milyon insan qida əldə etməkdə problem yaşayır, 50-dən çox ölkədə isə təxminən 47 milyon insan aclıq astanasındadır.

Oxu24.com xəbər verir  ki,Birləşmiş Millətlər Təşkilatının (BMT) Ümumdünya Ərzaq Proqramının  icraçı direktoru Sindi Makkeyn BMT Təhlükəsizlik Şurasının  keçirilən sessiyasında qlobal ərzaq böhranından danışıb.

"Müharibə, iqtisadi qarışıqlıq, sürətlənən iqlim dəyişikliyi və ətraf mühitin deqradasiyası hər il milyonlarla insanı yoxsulluğa və ümidsizliyə sürükləyir", - Makkeyn bildirib. 

Dünya əhalisinin təxminən 1/10 hissəsinə uyğun gələn təxminən 783 milyon insanın qidaya çıxış problemi olduğuna diqqət çəkən Makkeyn, “ÜƏP-in hesablamalarına görə, 50-dən çox ölkədə təxminən 47 milyon insan aclıqdan bir addım uzaqda yaşayır”, deyə məlumatda qeyd edilib.

“Təxmin edilir ki, 5 yaşa qədər 45 milyon uşaq kəskin qida çatışmazlığından əziyyət çəkir”, - Makkeyn bildirib. O, açıqlamaları ilə aclıq pəncəsində olan uşaqlara diqqət çəkib.

Dünyanın bir çox yerində müşahidə edilən aclığın artmasının birdəfəlik olmadığını və şərtlər dəyişdikcə yaxşılaşmayacağını ifadə edən Makkeyn, “Hazırda qlobal humanitar yardımları artıracaq bir sıra uzunmüddətli və eyni vaxtda böhranlarla qarşı-qarşıyayıq",- deyə qeyd edilib.

WFP ərzaq yardımı büdcəsini azaldır

Makkeyn, ÜƏP-nin resursların azalması səbəbindən milyonlarla insana verilən ərzaq yardımını kəsmək qərarına gəlməli olduğunu və daha çox kəsin yolda olduğunu bildirib.

Humanitar yardıma ehtiyacın davam etdiyini, lakin büdcənin azaldıldığını bildirən Makkeyn, sektorlararası əməkdaşlığı ön plana çıxaran yeni modellərin hazırlanmasının vacib olduğunu açıqlayıb.

Bu kontekstdə özəl sektorun önə çıxdığını vurğulayan Makkeyn, “Bizim ortaq məqsədimiz aclıq və yoxsulluqla effektiv mübarizə aparmağımıza və uzunmüddətli perspektivdə humanitar yardım ehtiyacını azaltmağımıza imkan verəcək iddialı və çox sektorlu tərəfdaşları gücləndirməkdir”,-deyə bildirilib.

 

Müəllif:Nigar