Rusiya və Türkiyə qaz qovşağı üzərində mübahisə edir - REUTERS

Oxu24.com xəbər verir  ki,Anonimlik şərti ilə iki mənbə Reuters agentliyinə bildirib ki, Türkiyədə qaz qovşağının yaradılması Moskva və Ankara arasında onu kimin idarə etməsi ilə bağlı fikir ayrılıqları səbəbindən ləngiyir.

Mənbələrdən biri bildirib ki, tərəflər mərkəzi kimin idarə edəcəyi ilə bağlı bir-biri ilə mübarizə aparır.

“İdarəetmə ilə bağlı problemlər var, onlar mərkəzi kimin idarə etməli olması üzərində mübarizə aparırlar” deyə media ilə danışmaq səlahiyyəti olmayan anonim mənbə bildirib.

“Qazprom”a yaxın başqa bir mənbə idarəetmə məsələlərində “problemin” olduğunu etiraf edib.

Reuters xəbər verir ki, “Qazprom” və Türkiyənin Energetika Nazirliyi şərh tələblərinə cavab verməyib.

Xatırladaq ki, Rusiya prezidenti Vladimir Putin bu ideyanı 2022-ci ilin oktyabrında, Baltik dənizi üzərindən Rusiya ilə Almaniyanı birləşdirən “Şimal axını” qaz kəmərinə partlayışlar nəticəsində zərər vurduqdan az sonra təklif etmişdi.

Rusiya bu qovşağı Avropa ölkələrinin mavi yanacağın alışını kəskin şəkildə azaltdığı bir vaxtda qaz ixracını yönləndirmək üçün bir yol kimi görür. Moskva qazın bir hissəsini Türkiyə vasitəsilə birbaşa Rusiyadan almaq istəməyən ölkələrə satmağa ümid edir.

 

Müəllif:Nigar