ABŞ-ın Gürcüstandakı keçmiş səfiri ittiham olunur

“Gürcü Arzusu” partiyasının sədri İrakli Kobaxidze Amerikanın keçmiş səfiri Kelli Deqnanın hərəkətlərini tənqid edib. Kobaxidze iddia edir ki, o, gürcü-amerikan münasibətlərini korlayıb.

Oxu24.com xəbər verir  ki,Bu barədə Gürcüstan mətbuatı məlumat yayıb.

Kobaxidze qeyd edib ki, Deqnan Gürcüstanı tərk etdikdən sonra ABŞ səfirliyi hadisələrə daha obyektiv baxmağa başlayıb, xüsusən də ölkədə Amerika hərbi bazasının yaradılması ilə bağlı məlumatları təkzib edib.

“Kelli Deqnanın gürcü-amerikan münasibətlərinə necə xələl gətirdiyini xatırlayırsınız və Deqnan gedəndən sonra səfirliyin obyektiv məlumatlar yaydığını və kollektiv Milli Hərəkatı yalanlarla ifşa etdiyini, indiyə qədər belə bir halın baş vermədiyini görürsünüz. Ümid edirəm ki, yeni səfir də gürcü-amerikan münasibətlərinin dərinləşməsinə obyektiv şəkildə çalışacaq”, - deyə İrakli Kobaxidze vurğulayıb.

Qeyd edək ki, Kelli Deqnan tez-tez “Gürcü Arzusu”nun tənqidləri ilə üzləşirdi. O, “Azadlıq” radiosuna müsahibəsində hakim partiyanın tənqidi ilə bağlı sualı cavablandırarkən deyib: “Siyasətçilər dediklərini deyirlər - hətta bunun doğru olmadığını bilsələr də. Mən bunu şəxsən qəbul etmirəm”.

O, həmçinin vurğulayıb ki, Gürcüstan xalqının fikri önəmlidir.

 

Müəllif: Nigar