Rusiya sanksiyalardan yan keçərək daha çox raket istehsal edir - THE NEW YORK TIMES

Rusiya sanksiyalara baxmayaraq, raket istehsalını müharibədən əvvəlki səviyyəni keçərək artıra bildi.

Oxu24.com xəbər verir  ki,bu barədə “The New York Times” ABŞ, Avropa və Ukrayna rəsmilərinə istinadən məlumat yayıb.

Nəşrin mənbələrinə görə, Qərbin sanksiyaları 2022-ci ilin birinci yarısında Rusiyada raket istehsalını ləngitsə də, ilin sonuna qədər vəziyyət kəskin şəkildə dəyişib. NYT-nin məlumatına görə, Rusiya Müdafiə Nazirliyi və Rusiya kəşfiyyat xidmətləri Ermənistan və Türkiyə kimi ölkələr vasitəsilə əsas raket komponentlərinin qaçaqmalçılığını təşkil ediblər.

“ABŞ və Avropa tənzimləyiciləri Rusiyaya çip ixracını məhdudlaşdırmaq üçün birlikdə işləyirlər, lakin onlar Moskva ilə əlaqəsi olan ölkələr vasitəsilə axını dayandırmaqda çətinlik çəkirlər”, - nəşr yazır.

Rusiyanın hasilatı artıra bilməsinin səbəblərindən biri yüksək enerji qiymətləridir. Qərb müdafiə departamentlərindən birinin anonim nümayəndəsinin hesablamalarına görə, müharibədən əvvəl Rusiya ildə 100 tank istehsal edə bilərdi, indi - 200. Üstəlik, indi Rusiya Federasiyası Avropa və ABŞ-dan daha çox sursat istehsal edir.

 

Müəllif: Nigar