Çinli məmur rüşvətə görə edam edilib

Çinin ən böyük sığorta şirkətlərindən biri olan "China Life Insurance"ın direktorlar şurasının keçmiş sədri Vanq Venbin iki il müddətinə edam möhləti ilə edam cəzasına məhkum edilib.

Oxu24.com xəbər verir  ki,Çin Mərkəzi Televiziyasının məlumatına görə, müvafiq qərarı Cinan şəhərinin Aralıq Xalq Məhkəməsi qəbul edib.

Şirkətin partiya komitəsinə də rəhbərlik edən keçmiş məmur rüşvət almaqda, eləcə də xaricdəki əmlakını gizlətməkdə təqsirli bilinib. Məhkəmə qərarında deyilir ki, iki il müddətinə möhlət verildikdən sonra qanuna uyğun olaraq cəza azadlığa buraxılmamaq şərti ilə ömürlük azadlıqdan məhrumetmə ilə əvəz olunacaq. Vanq Venbinin bütün şəxsi əmlakı və aktivləri də dövlətə müsadirə edilməlidir.

Vanq Venbin 1997-2021-ci illərdə müxtəlif dövlət vəzifələrində çalışıb. Bu müddət ərzində o, birbaşa və ya üçüncü şəxslər vasitəsilə ümumilikdə 325 milyon yuan (45,7 milyon dollar) məbləğində rüşvət alıb. Bundan əlavə, o, qanunsuz olaraq xaricdə təxminən 56,42 milyon yuan (7,9 milyon dollar) gizlədib.

Keçmiş məmura qarşı ittihamlar 2023-cü ilin yanvarında irəli sürülüb.

 

Müəllif:Afət