Google bazarın inhisarlaşdırılması ilə bağlı ittihamlara cavab verəcək

Çərşənbə axşamı Vaşinqtonda (ABŞ) internet axtarışını monopoliyaya salmaqda ittiham olunan Google-a qarşı məhkəmə prosesi başlayacaq.

Oxu24.com xəbər verir  ki,ABŞ Ədliyyə Nazirliyi bu işi 2020-ci ildə başlatdı, onun nəticəsi milyonlarla istifadəçinin İnternetlə əlaqəsinə təsir göstərə bilər.

Ekspertlər hesab edirlər ki, nəticələr İT sektorunun fəaliyyətini əsaslı şəkildə dəyişə bilər, 

Əsas iddia ondan ibarətdir ki, Google rəqiblərini məhdudlaşdırmaq üçün öz dominant mövqeyindən istifadə edir. Bu, ABŞ hökumətinin Google-a qarşı ilk dəfə ittiham irəli sürməsidir. Ədliyyə Departamenti həmçinin reklam nəzarəti ilə bağlı 38 əyalət baş prokurorunun Google-a qarşı qaldırdığı iddianı dəstəkləyib. İttihamların bəziləri rədd edilsə də, hakim Amit P. Mehta digərlərinə, xüsusən də Google-un smartfon istehsalçıları ilə müqavilələrində rəqiblərə qarşı ayrı-seçkilik törətdiyinə dair iddiaları davam etdirməyə icazə verdi.

İttihama görə, Google öz xidmətinin müxtəlif cihazlarda defolt xidmət kimi quraşdırılmasını təmin etmək üçün milyardlarla dollar sərmayə qoyur və rəqiblərin məhsullarına girişin qarşısını alır. Bundan əlavə, Google tərəfdaşların digər axtarış sistemləri ilə əməkdaşlığı qadağan edən müqavilələr bağlamaqda ittiham olunur.

Bu proses texnoloji şirkətlərin tənzimlənməsinə hökumətin müdaxiləsinin sərhədlərini aydınlaşdıra bilər. “The New York Times” yazır ki, Meta və Amazon kimi böyük texnologiya şirkətlərinə qarşı artan məhkəmə çəkişmələri kontekstində bu iş hökumətin texnologiya nəhənglərinin bazardakı roluna yanaşmasında mümkün dəyişikliyə işarə edir.

 

Müəllif:Nigar