Putin fərman imzaladı

Rusiya prezidenti Vladimir Putin Rusiya Federasiyasının xarici valyutada olan istiqrazlar üzrə borc öhdəliklərinin yerinə yetirilməsi üçün müvəqqəti proseduru yeniləyib.

Oxu24.com xəbər verir  ki, müvafiq sənəd hüquqi aktlar portalında dərc olunub.

Dəyişikliklər dövlət qiymətli kağızlarında ifadə olunan borc öhdəliklərinə aiddir.

Yeni fərmana əsasən, Rusiya ölkənin mərkəzi depozitarına (qiymətli kağızların sertifikatlarının saxlanması üzrə xidmət göstərən təşkilat) xarici depozitarın adına rubl hesabı açmaq üçün ərizə göndərmək hüququna malikdir.

Bundan əlavə, fərman hesablardakı vəsaitlərin indeksləşdirilməsi mexanizmini və onların sahiblərə köçürülməsi qaydasını açıqlayır.

Daha əvvəl bildirilib ki, Rusiya Mərkəzi Bankı anti-Rusiya sanksiyaları səbəbindən xarici valyutanın nağd çıxarılmasına qoyulan məhdudiyyətlərin 2024-cü il martın 9-dək uzadıldığını elan edib.

 

Müəllif:Nigar