WSJ və Bloomberg-in məlumatına görə, Apple-ın səhmlərinin qiyməti son iki gündə təxminən 7% ucuzlaşaraq şirkətin bazar kapitallaşmasını təxminən 194 milyard dollar azaldıb.

Oxu24.com xəbər verir ki,Çin rəsmiləri iPhone qadağasını elan etdikdən sonra səhmlər çöküb.

Apple üçün Çin üçüncü ən böyük satış bazarıdır və şirkətin məhsullarının əhəmiyyətli bir hissəsi bu ölkədə istehsal olunur. Ekspertlər vurğulayırlar ki, Pekinin bu qərarı təsadüf olub-olmamasından asılı olmayaraq, sentyabrın 12-nə planlaşdırılan iPhone 15 təqdimatı ərəfəsində gəlib.

WSJ çərşənbə günü bildirib ki, Çin liderləri öz dövlət işçilərinə iPhone-ları rəsmi məqsədlər üçün istifadə etməyi və ya onları iş yerinə gətirməyi qadağan ediblər.

Çin Apple-a şirkətin ümumi gəlirinin 18%-ni gətirir. Üstəlik, bu bazar sürətlə böyüməyə davam edir. Belə ki, Çində Apple satışları ötən rübdə 8% artıb.

Müəllif:Nigar