Rusiyalı hakerlər ABŞ və Britaniyanın sanksiyalarına məruz qalıb

ABŞ və Böyük Britaniya “Trikbot” haker qrupunun üzvü olduğu güman edilən 11 rusiyalıya qarşı sanksiya tətbiq edib.

Oxu24.com xəbər verir  ki,bu barədə ABŞ Maliyyə Nazirliyi və Böyük Britaniya hökuməti məlumat yayıb.

ABŞ Maliyyə Nazirliyi iddia edir ki, “Trikbot” haker qrupunun “Rusiya kəşfiyyat xidmətləri ilə” əlaqəsi var və onun hədəfləri Amerika hökuməti, şirkətləri və xəstəxanaları olub.

Departament deyir ki, koronavirus pandemiyası zamanı Trickbot iştirakçıları "Birləşmiş Ştatlarda bir çox kritik infrastruktur və səhiyyə təminatçılarını hədəf alıblar".

Nazirlik Trickbot haker qrupunu eyniadlı bank virusunun yaradıcısı kimi adlandırır; bu Trojan ilk dəfə 2016-cı ildə müəyyən edilib. Troyan Rusiyada yerləşməyən şirkətlərin maliyyə məlumatlarını oğurlamaq üçün istifadə edilib.

Amerika və Britaniya kəşfiyyat agentliklərinin hesablamalarına görə, hakerlər azı 180 milyon dollar pul qoparmaqda iştirak ediblər.

BBC-nin məlumatına görə, Britaniya Milli Kibertəhlükəsizlik Mərkəzi qrup üzvlərinin “demək olar ki, şübhəsiz” ilk növbədə mənfəət güddüyünü və buna əsaslanaraq qurbanları seçdiyinə inanır. Bununla belə, təşkilat etiraf edir ki, onlar Rusiya xüsusi xidmət orqanları ilə əlaqə saxlayıb və onlardan tapşırıqlar alıblar.

 

Müəllif: Afət