Makron: Paris Olimpiya Oyunlarında Rusiya bayrağı ola bilməz

Fransa prezidenti Emmanuel Makron bəyan edib ki, Parisdə keçiriləcək Olimpiya Oyunlarında Rusiya bayrağının nümayişinə icazə verilməyəcək.

Oxu24.com xəbər verir ki,Makron L'Equipe qəzetinə verdiyi açıqlamada 26 iyul - 11 avqust 2024-cü il tarixləri arasında Parisdə keçiriləcək Olimpiya Oyunları ilə bağlı qiymətləndirmələr edib.

“Paris Olimpiya Oyunlarında Rusiya bayrağı ola bilməz”. Makron iddia edib ki, Rusiyanın “müharibə cinayətləri törətdiyi bir vaxtda 2024-cü il Olimpiadasında yeri yoxdur”.

Makron bəyan edib ki, rusiyalı idmançıların Olimpiya Oyunlarında fərdi şəkildə iştirak etmək qərarı Beynəlxalq Olimpiya Komitəsinə məxsusdur.

Emmanuel Makron: “Olimpiya dünyasının həll etməli olduğu əsas məsələ bəzən ömürlük hazırlaşan və həm də bu rejimin qurbanına çevrilə bilən bu rusiyalı idmançılara hansı yeri verəcəyidir”,-deyə qeyd edib.

 

Müəllif:Nigar